بسم الله الرحمن الرحيم
من شاب عشق تراب هذا الوطن وذاب فى حبه وانتظر حريته بقلب ملهوف كما ينتظر يوم عرسه...الآمنى وانا ارى ما يحدث الان لهذا البلد من فتن وقتل وهتك لاعراضه..
ويؤلمنى اكثر استمرارنا وانجرافنا وراء الفتن.
من هم الذين لا يريدون لنا ان نحيا وان نتنفس ما جنيناه من ثمار الثورة ؟..
هل هم فلول النظام السابق
هل هى اسرائيل التى لا تريد لهذا البلد ان ينتفض ويزيل الآم السنيين ليعود كسابق عهده قبلة للعرب
ام هل هى امريكا التى طالما ارادتنا تابيعيين لها ولسلطانها من اجل مصالحها فى المنطقة طبعا
ام هل هم العرب الذين لا يريدون للثورة ان تتصدر فتهز عروشهم
ام هم من جلدتنا يعيشون بيننا ويسكونون بجوارنا ويتنفسون هوائها ويأمنون على ارضها
يا شباب مصر يا رجال الثورة الابطال
احذروا الفتن ..احذروا الانفلات...احذروا الثورة المضادة..
هو سؤال صغير هو اخلاء السبيل يعنى برائتهم ؟
لا ..فليس معنى هذا هو برائتهم وانما هناك اوراق واجراءت لابد وان تستكمل فى القضية ليكتمل الشكل القانونى
ولا احنا عايزيين نعمل زى الثورة الفرنسية وناتى بالمقصلة ونضع رؤس كل الفاسدين ونقتلعها
عندما استجبنا الى جمعة الغضب الاولى كنا نردد شعار واحد (الشعب يريد اسقاط النظام ) ولم نسأل انفسنا ماذا بعد رحيل النظام
وشعار جمعة الغضب الثانية (انا محسيتش بالتغيير ونازل تانى التحرير ) ليه؟
هو المجلس العسكرى معاه عصا سيدنا موسى فمن يريد شيئا يتوجد او معه مصباح علاء الدين فيدعكه يطلع العفرييت شبييك لبيك طلبك ايه ..انا عايزك تظبط الشعب ...حاضر امرك مجاب ..هوبا....وفجاة نلاقى نفسنا قاعدين فى حتة زى هاواى مثلا او باريس ...
انا اسف انى بتكلم كدة بس فعلا مش عارف احنا هننزل ليه
التغيير لن ياتى بين عشية وضحاها بل لابد من صبر.. يعنى احنا صبرنا 30 سنة جت على الكام شهر دول .
انا كنت فى قسم الجمرك النهاردة ولاقيت اميين الشرطة بيكلم صاحبه وبيقوله هو احنا هنقفل القسم يوم الجمعة الجاية
قاله اه عشان ميحرقوش القسم تانى ويمكن منجييش اليوم ده
قولتله ليه احنا دلوقت فتحنا صفحة كويسة معاكم
قالى انت حضرتك ضامن ان محدش يخش مع المظاهرات ويرمى حاجة على القسم ؟
لم استطع الاجابة واتركها لكم لكى تجاوبوا عليها
انتم ضامنيين ان مفيش واحد هيرمى حاجة على قسم او كنيسة او جامع ؟
انا اسف مرة تانية انا مش نازل وده رأيى
ولو حد عنده تصور تانى ياريت يقولى
عشانك يا كل مصر انا مش نازل
